ئەز ئورۆمۆن
از کتاب:
دیوانی سەیدی
اثر:
صیدی (1785-1849)
1 دقیقه
1544 مشاهده
ئەز ئورۆمۆن مەکانم بێ وەڵاتم
سەرو پیری خوای گێرتەن خەڵاتم
بەرۆ دەروێش لوۆ سەیرۆ وەڵاتۆ
نەنیشتۆ هیچ وەڵاتێونە، نەساتم
لوۆ ژیوار، مەبوو شێت و نیشاتێ
نیشاتێ شێوناش عەیش و نیشاتم
نیشاتۆ کاکە «بارۆم»ی خجڵنۆ
خەمێش بەرگم، پەژارەش بۆ خەڵاتم
چەنۆ ئاخ و خەم و من پەی نیشاتێ
سیواو ئاخۆ، نیۆ هیچ دەسەڵاتم
نیشات ئەر میرو مەڵڵای، پەرسە دادم
شکاتو تۆن، شکاتو تۆن شکاتم
نەژیڤانۆ، مەژیڤو بێ تە ساتێ
حەیاتەمنی، حەیاتەمنی، حەیاتم
نیا پەی تۆ قەرار و ژیو تاڵا
بەرێنی شەکەرم، قەندم، نەباتم
تەخۆ نەبرە وەفات هەرگیز چەنی من
بیناییم بێ، وەفاییت، بەر وەفاتم
ئەز ئەر دێڤانە تۆ، ئەر شێت و سەرسام
پەکەم تۆنی، تەڤستەن موشکڵاتم
تەمەم بەستێنەنێ ئا چاڵ و زنجێ
کە دەی چا کەوسەرەی، ئاوۆ حەیاتم
لڤۆنۆڤە سەرو تۆف و جەحێڵی
دەرەک پیر نو، شرەن وەخت و سەعاتم
تە فەرزادەی زەکات و نازەنینیت
ئەزیچ دەروێش و تە، سا دە زەکاتم