ez uromon
Li pirtûka:
Dîwanî Seydî
Berhema:
Sed (1785-1849)
1 Xulek
1466 Dîtin
ez uromon mekanim bê wełatim
seru pîrî xway gêrten xełatim
bero derwêş lwo seyro wełato
nenîşto hîç wełatêwne, nesatim
lwo jîwar, mebû şêt û nîşatê
nîşatê şêwnaş ’eyş û nîşatim
nîşato kake «barom»y xicłino
xemêş bergim, pejareş bo xełatim
çeno ax û xem û min pey nîşatê
sîwaw axo, nyo hîç desełatim
nîşat er mîru mełłay, perse dadim
şikatu ton, şikatu ton şikatim
nejîvano, mejîvu bê te satê
ḧeyatemnî, ḧeyatemnî, ḧeyatim
nya pey to qerar û jîw tała
berênî şekerim, qendim, nebatim
texo nebre wefat hergîz çenî min
bînayîm bê, wefayît, ber wefatim
ez er dêvane to, er şêt û sersam
pekem tonî, tevsiten muşkiłatim
temem bestênenê a çał û zincê
ke dey ça kewserey, awo ḧeyatim
livonove seru tof û ceḧêłî
derek pîr nu, şiren wext û se’atim
te ferzadey zekat û nazenînît
ezîç derwêş û te, sa de zekatim