ez aşk bênê
Li pirtûka:
Dîwanî Seydî
Berhema:
Sed (1785-1849)
1 Xulek
967 Dîtin
ez aşk bênê, gêrêm yawu eşkê
girînêw soçnêm min «yaw» û eşkê
nebê ḧałim wero eşkê ’ezîmê
řwêw komim kyastim pey ḧekîmê
dyom çêş yarim oma wextê şome
erecyê «monge»ne, mongê temome
min êşe û homdemîm sa sê nebo kes
şerîk û homdemîm yarim weso wes
memełcêş «nar»e, kułmêş sûre «saw»e
wêş ecyê «sełwîne» midrêne pawe
netawanim weru ça sawu narê
demêw komim çenîş gîro nezarê
demêw nîşte çenîm, deste zironê
weneş lałam, we «yasîn» û «kiron»ê
demêw nezłem bê ez waçênê mêro
şukir jyowe dosem karê gêro
min êşe û «mêre» bênê ade «îsa»
dewaş gêro, berowe zînde, îsa
demû řoy yarem êzawe û lwawe
ḧekîmê çe û dima nîştimere lawe
řegiş girt û demêw destiş fişaro
sereş liknawe watiş: înene yaro
tebîb û to çiman dostit birêne
nyot hîç seydîNasnava edebî te derût şirêne