خەمی بێ سەر
از کتاب:
ببن بە تیشک
اثر:
دلشاد مریوانی (1947-1989)
1 دقیقه
705 مشاهده
ئەی خاتوون.. بەژن جوانی «سیما-پەری»
وشەی شیعرم.. بەرامبەرت وەک پەری
کە «تافتەی بێباکی»ت دەکاتە بەری
لە خۆشیدا.. نوقم دەبێ و دەگری
«تافتەی بێباکی»ی تۆ ناگۆڕێتەوە
بەوەی «جەلسەی باوەش» دەکاتە بەری
***
بەژن جوانی « سیما-پەری» مناڵکار
خزمتم من.. بەحسابی کەسوکار
بەس درۆیە - چۆن دەڕوانم.. شتێکی
بۆ دڵی من.. دۆستی، کەسی، خوشکێکی
گشت خەمە ناسکەکانمت لەبەردایە
وەک لە نیگام دروست کرابی وایە
***
دڵگیر مەبە.. هانام دەبێتە.. شەرم
بێباکانە دانیشە بەرامبەرم
سڵ مەکە لێم.. بەژن جوان، من سێبەرم
من ڕێبواری ڕێی خەمێکی.. بێ سەرم
«وەی»م نییە و «خۆم» بە دیاری بۆ «خەم» دەبەم.