تریقەت زۆر دڵگیرترە لە دەنگی نەی
از کتاب:
دیوانی ناتیق
اثر:
ناطق (1886-1967)
1 دقیقه
838 مشاهده
تریقەت زۆر دڵگیرترە لە دەنگی نەی
کوڵمی سورت شەنگترە لە ڕەنگی بەی
ئەگەر بێت و گیانیشم لە دەست بدەم
وەک مەسیحا نازێکت ئەمکات حەی
تاڵێکی زوڵفی پەخشانتم دەست کەوێ
نایگۆڕمەوە بە تاجی شاهانەی کەی
ئەی تاقانە گوڵی باخچەی حەیاتم
خوای تەعالا بتانپارێزێ لە وەی
دە ماچێکی سەری کوڵمت کەرەمکە
سا با منیش دەفعەیە بێژم ئۆخەی
من ئەو کاتە ڕۆژووی خۆم بەتاڵ ئەکەم
کە ماعشوقەکەم بترازێ دوگمەی یەخەی
یەقینم وایە کە ناشکێ دەستنوێژم
هەنگامێ دەستم ئەبەم بۆ جووتێ بەی
منم نەمکردووە گوناهێ دەرحەقت
ئیتر بۆ چی پەنا بۆ قەهر ئەبەی؟
بە بێ مەڕحەمەتی تۆ نامەوێ ژین
چییە سوچم؟ ئەمری قەتڵم دەر ئەکەی
دەخیلت بم بۆ خاتری خوا عەزیزم
سیڕی عیشقم بۆ بەدکاران دەرنەخەی
ناتیقتخلصت بە بێ ڕیسالەی عیشقی تۆ
محاڵە ڕێگەی قیامەت بکا تەی