وەکو فەرهاد هەمیشە چاو لە ڕات بووم
از کتاب:
دیوانی ناتیق
اثر:
ناطق (1886-1967)
1 دقیقه
554 مشاهده
وەکو فەرهاد هەمیشە چاو لە ڕات بووم
شیرین بۆیە چاوەڕوانی بەرات بووم
سەرم دانا بە گۆ و پەلکەت بە چەوگان
بە عیشقی چاوەکانت موبتەلات بووم
ڕۆژێ هاتم بە عەزمی زیارەتی ڕووت
کە چی گیرۆدەی ئەگریجەی سیات بووم
لە ناو پێچ و شکەنجی زوڵفی لولتا
دوچاری سەد دەرد و بەڵا و ئافات بووم
بەڵێ خۆشە عەزابێ یار بیدا پێت
نەوەک چون من سامانم ڕۆشت و لات بووم
تۆ دڵت دا بە ئەغیار و ڕەقیبان
ئەوان فنیش تەنیا من دڵ لە لات بووم
وەرە با دەستی ئاشتیمان لە مل کەین
ئەتۆ فەرزین منیش شاهم و مات بووم
ماتیم خۆشە بە شەرتێ ناتیقتخلص بڵێ
وەکو فەرهاد هەمیشە چاو لە ڕات بووم