هەڵبەستەکەم

از کتاب:
فرمێسک و زەردەخەنە
اثر:
دلشاد مریوانی (1947-1989)
 1 دقیقه  731 مشاهده
هەڵبەستەکانم کۆرپەی دڵ و ناخی ژیانی منن، بۆیە تا ماوم، ئەیانپەرستم و بە خوێنی جگەرم پەروەردەیان ئەکەم
هەڵبەستەکەم ئاوازێکە
یا چیڕۆکێ یا ڕازێکە
بە فرمێسکی پاکی چاوم
یا بە گەشیەتی خوێناوم
ڕێکخراوە، داڕێژراوە
بەخامەی دڵ، بۆت نووسراوە
دیاری هەستە کە خورپەیە
بۆ تۆی جوانی تاقانەیە
کە بە کڵپەی دەروونی من
ڕێکخراوە بۆ تۆی شەرمن
دیاری دڵە، خونچەی چڵە
فریشتەکەم، بۆ تۆی گوڵە
لێم مەڕەنجە وەری گرە
لە توێی دڵتا هەڵی گرە
تاکو لەگەڵ جووڵەی دڵت
هەستی خاوێنی بە کوڵت
خۆی ڕابێنێ، واز نەهێنێ
تاکو باسی، ڕازی دێنێ