گوڵێک بڕوێنە

از کتاب:
فرمێسک و زەردەخەنە
اثر:
دلشاد مریوانی (1947-1989)
 1 دقیقه  947 مشاهده
لەگەڵ ئەوەشدا کە لێم زوویر ئەبیت کاتێ کە باسی مەرگم ئەکەم
وەرە لام گیانە خۆمت قوربان کەم
هەستی نێو دڵمت لەلا میوان کەم
لەسەر زەوی لام تۆ ڕامەوەستە
بۆ شوێن وەستانت دڵم پێویستە
ژیانی بێ تۆ.. ناوی ناهێنم
تەنیا تۆم هیوای بۆیە ئەمێنم
دە تۆش ژیانم، هێزی گیانم
بێ هیوام مەکە، تا لات میوانم
لەپاش دەرچوونیش بۆ نێو گۆڕی تەنگ
گوڵێک بڕوێنە وەکو خۆت قەشەنگ
تاکو ئاوەڵی قەبری تارم بێ
لە جێگەکەی خۆت ئەو دیدارم بێ