گوڵی سوخمە
از کتاب:
فرمێسک و زەردەخەنە
اثر:
دلشاد مریوانی (1947-1989)
1 دقیقه
998 مشاهده
ئەو گوڵەی کە بەهۆی تۆوە خۆی خۆشەویست کرد لەلام
گوڵی سوخمەکەت لەسەر مەمی تۆ
شادەماری ژین هەڵئەتەکێنێ
تیلەی چاوی گەش، خەندەی لێوی ئاڵ
لەلای من هەموو جیهان ئەهێنێ
لەنجە و ڕەوتی ڕێ، یاری قژی ڕەش
شەرمەزارییەکەم یەکجار ئەشکێنێ
ئاوازی بازن لەگەڵ تاری دەنگ
هەزار مۆسیقا و ئاواز ئەنوێنێ
خەندەی شیرینی نێوانی زارت
جەرگی تاریکی بۆ من ئەدڕێنێ