چارشێوی هەڵبڕی لە سەری خۆی بە شەرمەوە
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
461 مشاهده
چارشێوی هەڵبڕی لە سەری خۆی بە شەرمەوە
یار پێکەنی بە ڕوومەوە دوێنێ بە نەرمەوە
فەرمووی بە من کە ئێستە لەبەر غەم زەعیفی تۆ
حەقتە ببی بە حەڵقە بە دەوری کەمەرمەوە
ڕووناکی چاوی من بە مولاقاتی تۆ ئەبێ
ڕۆحم فیدایی تۆیە بە نووری بەسەرمەوە
گفتا پدر تو پیر شدی ترک عشق کنفارسی
پێم وت دڵم جوانە لە عیشقی پسەرمەوە
هەر وەختێ دێتە بەر نەزەرم ڕۆژی وەسڵی تۆ
ڕەقس و سەما ئەکەم بە دڵی پڕ کەدەرمەوە
لەم ڕۆژەدا نەماوە ڕەواجی هونەر خوا
مەحوم بکا بە خۆم و بە عیلم و هونەرمەوە
ئاوارە بووم و کەوتمە چۆڵی و لە یار جودام
چیبکەم بە دەستی عەقڵی دڵی دەربەدەرمەوە
شمشێری ئەبرووانی ئەگەر دەرنەخا نیگار
ڕۆحم فیدای ئەکەم بە زرێم و سوپەرمەوە
بولبول سیفەت خەریکی فوغانم بە ڕۆژ و شەو
هەر ناڵەمە لە عیشقی گوڵی سیمبەرمەوە
وێران و چۆڵە موڵکی دڵی ئەحمەدتخلصی هەژار
ئەمڕۆ لەبەر غەمی بوتی بێدادگەرمەوە