çarşêwî hełbiřî le serî xoy be şermewe
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
1 minutes
479 views
çarşêwî hełbiřî le serî xoy be şermewe
yar pêkenî be řûmewe dwênê be nermewe
fermûy be min ke êste leber ẍem ze’îfî to
ḧeqte bibî be ḧełqe be dewrî kemermewe
řûnakî çawî min be mulaqatî to ebê
řoḧim fîdayî toye be nûrî besermewe
gifta pidir tu pîr şidî tirk ’işq kinPersian
pêm wit diłim cwane le ’îşqî pisermewe
her wextê dête ber nezerim řojî wesłî to
řeqis û sema ekem be diłî piř kedermewe
lem řojeda nemawe řewacî huner xwa
meḧum bika be xom û be ’îlim û hunermewe
aware bûm û kewtime çołî û le yar cudam
çîbkem be destî ’eqłî diłî derbedermewe
şimşêrî ebruwanî eger dernexa nîgar
řoḧim fîday ekem be zirêm û supermewe
bulbul sîfet xerîkî fuẍanim be řoj û şew
her nałeme le ’îşqî gułî sîmbermewe
wêran û çołe mułkî diłî eḧmedPen namey hejar
emřo leber ẍemî butî bêdadgermewe