îznî dam diłber ke biçme zyaretî derganekey
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
2 minutes
715 views
îznî dam diłber ke biçme zyaretî derganekey
şem’î řexşan wa qibûłî kird şukur perwanekey
asman ḧeqye bexîl bêt û fiřêda mang û xor
lew demey yar xoy nwand û hate naw heywanekey
yar derîxist řûmetî xoy, komełî ’aşiq îtir
lazme êwe bizanin ke’beye serbanekey
ḧeqyetî ew şoxe îmza dabnê: celladî dił
ey dił û gyanim fîdayî tuřře û ’înwanekey
wextî wesłe geh be tundî, geh be xende û pêkenîn
dił elawênê çi xoşe xende û giryanekey
yar eger bêt û biłê zuḧḧakî tazem ḧeqyetî
şahîdin bo mudde’ay dû ejdehay ser şanekey
mujdeye mecnûn ke leyla hatuwe bo tecrubet
ta bizanê çone ḧałî ’aşiq û dêwanekey
cejne lay ’aşiq ke me’şûqey be naz û pêkenîn
dête seyrî ta bizanê, çone quřpêwanekey
mû le pencem bête der ger dest bibem bo pyałe min
ger bibê destim kewê dû memkî wek fincanekey
xwênî çawî kurdekane bo weten şîwen eken
boye wa lêław û sûrin tancero û sîrwanekey
we’deyî dabû ke dił xoş ka seraser qewmî kurd
ḧeyfî kird wa zû şikandî we’de û peymanekey
mezheb û dînî le qebra lêy bipirsin wa ełêt
xakî kurdistane eḧmedPen name mezheb û îmanekey