بانگی کوردستانە وا دنیایی ئیحیا کردەوە
بۆ ڕۆژنامەی بانگی کوردستان نووسراوە
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
881 مشاهده
بانگی کوردستاناعلامە وا دنیایی ئیحیا کردەوە
زامی قەلبی کوردی بێچارەی موداوا کردەوە
باعیسی پێشکەوتنی ئەم قەومەیە ئەو مەتبەعە
ئەلحەق ئەمڕۆ خاکی کوردستانی زێبا کردەوە
سەد شوکور وا لەشکری عیرفان و عیلم و عاقڵی
شاری پڕشۆری جەهالەتیان کە یەغما کردەوە
لایقی تەحسین و فەخری قەومی کوردە چونکە وا
ئەم جەریدە پیر و فەرتووتیشی بوڕنا کردەوە
بانگ و هاوارێکی بەرزە بانگی کوردستان ئەکا
مێشکی دنیای پڕ لە دەنگ و شۆر و غەوغا کردەوە
ژەنگ و تاریکیی جەهالەت وا لە دڵدا دەردەکات
قەلبی مەحزوونی هەموو کوردی موسەففا کردەوە
لاچووە تاریکییی هەوری جەهالەت ئێستەکە
نەجمی ئیقباڵی هەموو کوردانی ڕەخشا کردەوە