دڵ پەرێشانم لە حەسرەت پەرچەمی شێواوی تۆ
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
3284 مشاهده
دڵ پەرێشانم لە حەسرەت پەرچەمی شێواوی تۆ
ڕۆژی ڕەش کردم بە جارێ زوڵفی ئاڵۆزاوی تۆ
پێی وتم وریا بە خۆڵی ژێری ئەم کەوشی منە
وەک جەواهیرسورمەیە بۆ چاوی پڕخوێناوی تۆ
لام یەقینە بێ سوئال و جواب بەهەشت جێگەی منە
دیارە جێی جەنناتی عەدنە ڕۆحەکەم کوژراوی تۆ
ئەو دەمەی دێن و ئەپرسن لێم مەلائیک مەزهەبم
من بە خوێنی دیدە ئەینووسم لە سینەم ناوی تۆ
هەوری بەهمەن وا دیارە شیوەن و نەعرەی منە
گرمەگرم و هاتنی بارانەکەی تاوتاوی تۆ
سەروی باڵات چەندە مەوزوونە لە باخچەی حوسندا
پێوە پێچراوە سەراپا زوڵفی وەک لاولاوی تۆ
شەمعی ڕووت دەرخە فیداتم، ئەحمەدتخلصی بێچارەیە
وەک پەپوولەی بێنەوایە شێت و دڵسووتاوی تۆ