ئەبێ ئێستە خەریکی بادەنۆشین بم لەبەر شادی
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
430 مشاهده
ئەبێ ئێستە خەریکی بادەنۆشین بم لەبەر شادی
کە یار ئەتوانێ بێتە کولبەیی عاشق بە ئازادی
دڵم سەد پارە بێ یاڕەببی گەر بێت و لەبیرم چێ
لە مردندا فەرامۆش کەم شەهادەت گەر نەکەم یادی
بە نووکی تێشەیی ناخون لەسەر سینەم بەیادی تۆ
ئەکێشم نەقشی شیرین حەیفە گوم بێ نەقشی فەرهادی
چ فیرعەونێکە دولبەر بۆ جەفا نەمروودە شاگردی
لە کوێ فێر بوو خوایا عیلمی سیحر و مەکری شەددادی
مەکەن باوەڕ ڕەفیقان گەر ڕەقیب لوتفی لە حەقتان بێ
چلۆن چاکەی لەدەست دێ شەخسی پیس و سوفلە و عادی
وتی ئەحمەدتخلص ئەگەرچی پیری تۆ هێشتاکوو شاگردی
تەماشا کە چلۆن بردم دڵی زارت بە ئوستادی