دڵم پڕخوێنە جەرگم لەتلەتە بۆ لێوی گوڵنارت
از کتاب:
دیوانی ئەحمەد موختار جاف
اثر:
احمد مختار جاف (1896-1935)
1 دقیقه
2704 مشاهده
دڵم پڕخوێنە، جەرگم لەتلەتە بۆ لێوی گوڵنارت
نەخۆش و دەردەدارم من لە حەسرەت چاوی بیمارت
سەلیبی پەرچەمی تۆم دەسکەوێ چیمە لە ئیسلامی
کڵێسا جێگەمە جانا لە عیشقی زوڵفی زوننارت
وتی عاشق ئەبێ بەم کوشتنەت مەسروور ببی چونکە
لەناو عوششاقدا تەنها ئەتۆی قوربانی دڵدارت
شکا بازاری شەهد و شەککەر و شیرینییی قەنناد
لە ڕۆژێکۆ کە بیستوویانە خەڵقی نوتق و گوفتارت
ئەبێ کاغەز لە بەرگی گوڵ، قەڵەم جانا لە عەنبەر بێ
کە من مەیلم هەیە ئێستا بنووسم وەسفی ڕوخسارت
کە تۆ سەروی منی، بێچارە قومریی دڵ حەزینی تۆم
هەمیشە بولبول ئاسا وام لە دەوری باغ و گوڵزارت
نیگار ئەمڕۆ لەناو جەمعی ڕەقیبا پێی وتم ئەحمەدتخلص
مەحاڵە تۆ ئیتر دەستت کەوێ یاری دڵئازارت