diłim piřxiwêne cergim letlete bo lêwî gułnarit
From the Book:
Dîwanî Eḧmed Muxtar Caf
By:
Ahmad Mukhtar Jaff (1896-1935)
1 minutes
3240 views
diłim piřxiwêne, cergim letlete bo lêwî gułnarit
nexoş û derdedarim min le ḧesret çawî bîmarit
selîbî perçemî tom deskewê çîme le îslamî
kiłêsa cêgeme cana le ’îşqî zułfî zunnarit
witî ’aşiq ebê bem kuştinet mesrûr bibî çunke
lenaw ’uşşaqda tenha etoy qurbanî diłdarit
şika bazarî şehd û şekker û şîrînîyî qennad
le řojêko ke bîstûyane xełqî nutiq û guftarit
ebê kaẍez le bergî guł, qełem cana le ’enber bê
ke min meylim heye êsta binûsim wesfî řuxsarit
ke to serwî minî, bêçare qumrîy dił ḧezînî tom
hemîşe bulbul asa wam le dewrî baẍ û gułzarit
nîgar emřo lenaw cem’î řeqîba pêy witim eḧmedPen name
meḧałe to îtir destit kewê yarî dił’azarit