زاهدێ خەلوەت نشین پابەستێ کردارێ خوەیە
از کتاب:
دیوانی ئەحمەدی خانی
اثر:
احمد خانی (1650-1707)
1 دقیقه
1778 مشاهده
زاهدێ خەلوەت نشین پابەستێ کردارێ خوەیە
تاجرێ رحلەت گوزین دلدارێ دینارێ خوەیە
عاشقێ دلبەر حەبین دلدایێ دلدارێ خوەیە
دا بزانی هەر کەسەک بێ شوبهە غەمخوارێ خوەیە
بێ عەمەل تو ژ کەس مەکە هیڤی عەتاء و هممەتێ
بێ غەرەز ناکێشتن قەت کەس ژ بۆ کەس زەحمەتێ
کەس نەهن قەت هلگرت بارێ تە ئەو بێ ئوجرەتێ
گەر چ عیسا بت ئەوی فکرا کەر و بارێ خوەیە
هۆشیار بی! دا نەکی عومرێ خوە بێ حاسل تەلەف
لەو کو نادەت فایدە مال و گەنج و ئەولاد و خەلەف
ماجەرایا خزر و دیوارێ یەتیمی بوو سەلەف
ڤی زەمانی هەر کەسەک معمارێ دیوارێ خوەیە
جا نەزەر کە تو ب پێلا کو وە واقع بت سواش
گەر نەبیتن ئلتفات و مۆچە و دەبر و مەعاش
جندییێ رمبازێ فارس نادەتن جانی بەلاش
ساعەتا سەربازییێ هیڤی ژ سەردارێ خوەیە
خانیاتخلص زایع نەکەی عومرێ خوە ئەی نادان عەبەس
بێ تەلەب نابی ژ وەسلێ بەهرەمەند ئەی بوولهەوەس
سانعێ موتلەق کو نینە ئحتیاجەک وی ب کەس
لوتف و ئحسان ژی ئەوی دەرحەق تەلەبکارێ خوەیە