لەگەڵ پیری موغان دوێنێ لە ڕێدا

از کتاب:
دیوانی عەونی
اثر:
عونی (1914-1992)
 1 دقیقه  1506 مشاهده
لەگەڵ پیری موغان دوێنێ لە ڕێدا
بە سەد پەیمانە پەیمانم گرێدا
شکاندم جامی تۆبە و زوهد و تەقوا
عەسا و تەسبیح و بەرماڵم فرێدا
هەتا مردن کە دەرناچم لە بەندی
کەمەندی زوڵفی ئەو شۆخەم لە پێدا
نهێنیی جوانی ڕووی تۆم پشکنی بوو
لە دەرسی یێکەمینی ئەلفوبێدا
کە زانیم دێیە لام دەردم دەپرسێ
سەرم هێنا لەژێر پێت خستمە ڕێدا
لە دوو لا پەرچەمت ڕووی گرتە باوەش
منی تۆراند و سامانی بە کێ دا
لە عەونیتخلص گەر دەپرسی تەندروستی
ئەتۆ خۆش یەک نەفەس ماوە لە ڕێدا