کۆکردنەوە
از کتاب:
خۆشخوانی
اثر:
علاالدین سجادی (1907-1984)
1 دقیقه
678 مشاهده
لە هونەری جوانکارییە «کۆکردنەوە - جمع».
ئەمەش ئەوەیە کە چەند شتێک کۆبکرێتەوە بۆ ئەوە یەک حوکم بەسەر هەموویانا بدرێ؛ واتە هەموویان ئەو خێوەتە دایانبگرێتەوە. وەکوو
«شاهۆ» ئەڵێ:
«گوڵ و ڕێحانە و بەڕەزا و نێرگس»
«بوونیان بۆ بۆنە، نە وەک بۆ بێکەس»
واتە دروستبوون و پەیدا بوونی ئەم شتانە بۆ ئەوەیە بۆنیان بکرێ، نەوەک بکرێن بە چەپک و ببرێن بۆ «بێکەس» کە ئنگلیزێک بووە لە عراقدا.
وە یا «وەفایی» ئەڵێ:
«سەف بەستە هەموو مونتەزری ئەمڕۆ نگاهن»
«قولابی موژە و چاوی ڕەش و گۆشەی ئەبرۆت»
موژە و چاو و ئەبرۆ هەموو چاوەڕێی حوکمێک ئەکەن کە فەرمان و سەیرکردنی یارە فەرمانیان پێی بکا.
لە وێنەی یەکەما حوکم لە دواوەوەیە، لە هی دووەما لە پێشەوەیە.