حیکایەتا سیهـ و یەکێ

نەقل دکەن، کو بەرێ ئومەرا و بەگلەرێد کوردستانێ، زێدە ئیعتبار و باوەری ب سەداقەتا تایفا فەلە و ڕەعیان هەبوون، هەرچی کو ئەمرێد مالێد وان و دان و ئستانێد حەرەمێد وان و ناو مالێتی هەبوو، حەموو ددەستێد فەلان دابوون، گۆیا جارەکێ ئیعتبار ژ وان دیتبوون، حەتتا کو د هەکاریاندا نێ، د وەقتێ میر عزالدین شێری دانێ، فەلەیەکێ وی د حەرەمێدا نێ هەبوویە ناڤی کلواعلام و چل سالان غولامی و ناومالێتی کرییە، ئیجارێ وەسانێ د قەومە، کو خیانەتەکی ئاشکار ژ وی فەلەیی کلوی ناو مالێ سادر دبیتن، کو ئێدی ئەو فەلە لابوددە موستەحەققی کوشتنێ دبیتن، میر عزالدین ژی ئەمر دکەتن کو کلوی بینن و بکوژن، مفردی ژی کلوی دگرن و دەستیان گرێ ددەن کو ببەن بکوژن، ئیجارێ کلو دبێژتە مفردیان، کو من ببەنە حزورا میر عزالدین، خەبەرەکێ من هەیە، دا ئەز ژ بۆی میری ببێژم، پاشی من ببەن و قەتل بکەن، ئیجارێ ئەو مفردی تسکرارەن کلوی دبەنە حزوورا میر عزالدین، ئیجارێ میر ژ کلوێ فەلە پرسیار دکەتن، کوڕوچ دبێژی، ئیجارێ کلو دبێژیتن، کو میر ئەسەح تۆ دێ من بکوژی، میر دبێژیتن، کو تۆ دێ ئەلبەتتە بێ ی کوشتن چارەنینە- ئیجارێ کلو دبێژیتن کو میر مەعلوومی تەبتن کو ئەڤە نێزوکی چل سالانە کو من خزمەت دکر و ئاڤا غەسل و دەستمێژا تە من د ئانی، هەرچی قەدرەیێ کو ئاڤا غەسل و دەست مێژا من ژ بۆی تە ئینایە، معاذ اللهعربی بەرێ من میزتیە نێڤا وێ ئاڤێ و ژ بۆی تە پاشی ئینایە، ئەڤە ئەز دبێژمە تە هەرچی غەسل و دەستمێژ و نمێژێد کو تە حەتتا نها کرینە، ئەو حەموو ژی د ئایین و دینێ تەدا نێ بەتالن. تۆ ئەڤان نمێژێد چل سالان قەزا بکە و قەنج بزانە، کو ئەز دوژمنێ دینێ تە بوومە، لکو مابی کو دوژمنێ جانێ تە و من غەما کوشتنێ ژی نینە، مەعلوومی تە ژی ببیتن، کو من ئەڤە ئیهانەتا چل سالان دگەل تە کریە، من تو ژ خودێ میران روورەش کریە، ئەز ژی تێمە قەتل کرن، غەم نینە، ئیجارێ میر عزالدین قەوی زێدە تێتە غەزەبێ و بخوە رادبیتن کلوی ددەتە بەر خەنجەران و دکوژیتن، و بخوە ژی ژ بۆی ڤێ خەبەرا هاتی کو کلوی چل سالان وەسانێ ئیهانەت و خیانەت کریە، قەوی زێدە مەلول و مەحزون دبتن، کو ئەڤی فەلەی هندە نمێژێد من داینە فەسادێ، ئەز دێ چەوانێ بکەم، ئیجارێ مەلان گۆتیە میر عزالدین کو بۆی کەفارەتا ڤێ شولێ، مەخسوسە مەدرەسەیەکی بینا بکە، دبیتن کو خودێ تەعالا تە عەفو بکەتن و گوناهێد تە ببەخشیتن، ئیجارێ فیلواقع ئەوی میر عزالدیناعلامی خاسەتەن ژ بۆی ڤێ شۆلێ مەدرەسەیەک بینا کریە و ئەوقافێد کافی لێ وەقف کرینە، و حالا نها ژی ئەو مەدرەسە هەیە، عززیەاعلام دبێژن، حەتتا کو ئەڤ شولە نە قەومی بوو، ئومەرا و ئاغایێد ئەکرادێد خوە جهێد هەکاریان قەوی زێدە ئیعتبار و باوەری ب رەعیە و فەلان هەبوون و ئەو تایفە ژ بۆی ئەمین حسێب دکرن، لاکین پاشی ڤێ شولێ، کو واقع بووی، ئێدی ئەو چەند ئیعتبار فەلەیان ناکەن و بوان باوەریێ ناکەن، لەوڕانێ سولبا ئیعتیقادا وان بووی، ئێدی خانم و حەرەمێد وان ژی ب ڕو فەلان ناکەڤن و ژ رەعیەیان خوە ستر دکەن.