حیکایەتا بیستێ

قەسە دکەن کو جارەکێ عەشیرەتێ «سپیکاناعلام» و «حەیدەراناعلام» هەردووکان دگەل یەک و دوو میقدارێ پانسەد سەری کاروانێ قافیلەباشی «عەبدولقادر ئاغایێ بەغداییاعلام» لێ دان و تالان کرن، بارێد وان حەموو چۆخ و قوماش و ئەتلەس و جانفس و قورمز بوویی، ل دەشتا قازی گولێاعلام بەلاڤ کرن، وەسانێ کو ئەکرادان چۆخ و ئەتلەس و قوماش ب ڕمان د پیڤان و ل یەک و دوو پارەڤە دکرن و حسسە دکرن، ل وێ ناڤێ مرۆڤەکێ خوە جهی ژی راستی وان هاتی، گۆتە ئەکرادان، قەدەرەکێ چۆخی و قوماشی بفرۆشنە من، ئیجارێ ئەکرادان ئینان، وەسانێ ب ڕمێ چۆخ و قوماش پیڤای داینە وی مرۆڤێ یێرلو، ئیجارێ ئەوی مرۆڤی پرسیار کری، ئەڤە گازا وە چ مەزنە، ئەکرادان گوتنە کو بەلێ، ئەڤە گازا کۆر ئۆغلییە، ل چیان هێلایە ژبۆی ژاران، کو ئەگەر مرۆڤەک چەند گەز بڤێ بکڕە، مالێ خوە ئاڤا دکەتن، دوی تالانیدا، چار پێنج بار قورمز بدەست ئەکرادەکی کەتبوون و نەزانیە کو چییە، پاشی هاتبوویە بازیدێ فەلەیەک برییە کو وەرە هندەکی دەرمانێ من هەیە ئەز بدەمە تە، ئیجارێ فەلە چوویە ئەو بارێد قورمزان ژ وی ئەکرادی ستاندییە و ئینایە فرۆتیە و گەلەک دراڤ ژ وی قازانج کرییە، نها ژی ژ جنسێ وی فەلەی هەین، د بازیدێدا بووینە بازرگانێد مەشهوور و ئەو گازا کۆر ئۆغلی د کوردستانێدا مەعروفە.