وەهارەن، سەوزەن ئاوەن سەرکاوەن
از کتاب:
دیوانی مەولەوی
اثر:
مولوی (1806-1882)
1 دقیقه
1923 مشاهده
وەهارەن، سەوزەن، ئاوەن، سەرکاوەن
هاژەی وەفراوەن، شاخەی شەتاوەن
ساقییەن، بادەن، نەسیمەن، بادەن
بوڵبوڵ جە دەورەی گوڵان ئازادەن
بەزمەن، شادییەن، عەیشەن، نیشاتەن
کەیفەن، شۆخییەن، شەوقەن حەیاتەن
سەنگەن، کۆسارەن، سەرکووەن، هەردەن
خەمەن، مەینەتەن، زوخاوەن، دەردەن
هیجرەن، دوورییەن، عیجزەن، فیراقەن
واوەیلا و شینەن، ناڵەی عوشاقەن
سەبزەن، سۆسەنەن، نەورۆزگوڵانەن
کەمەرەن، هەردەن، ملەن، کەڵانەن
سەرعییەن، شەیدان، نەجدەن، مەجنوونەن
مەزاقەن، جامەن، پیاڵەی هوونەن