هیمەتی قایممەقامی سینە پاک و پڕ شعوور

ئەم تەشەککور نامەیەم نووسی بۆ خزمەت قائیمقامی کۆیسنجەق (عەلی سلێمان بەهار) کە لە ساڵی ١٩٧٠ هاتە کۆیە و دەستی بە خزمەت کردنی کرد و بازاڕ و چەند کۆڵان و مەیدانی خوارێی کۆنکریت کرد کە بە مەزبەلە دەچوو. ئەم شیعرانەم تەقدیم کرد) لە جێگایەکی دیکەی دەستنووسەکانیش ئەم پێشەکییە بۆ شیعرەکە نووسراوە: (ئەم تەشەککورنامەیە لە لایەن مەلا مستەفا عاسی بۆ خزمەت قایمقامی کۆیە کاک عەلی سلێمانی بەهار کە ساڵی ١٩٧٠ هاتە کۆیە و دەستی کرد بە خزمەت کردن و ڕازاندنەوەی شارەکە بە جۆرێک ئەگەر بەرامبەر بکرێ لەگەڵ پێشوودا نموونەیەکە لە لبنان و پاریس. منیش لەبەر ئەو خزمەتە و ئەو لوتفەی کە بەبێ داواکردنی من بەزەیی بە حاڵی مندا هات و گڵۆپێکی لە ڕێبازی تاریکەکە خست- خودا چاو و دڵی ڕووناک بکا- ئەوەم نووسی و لە دوای ئەوەش ویجدانی پاکی خستیە فیکری ئەوەی کە ئەو مەیدانەی لە ناوەندی شاردایە هەتا ئێستا مەزبەلە بوو، عەزمی بەهێز کرد و دەستی کرد بە کۆنکریت کردنی بازاڕ و کۆڵانە و مەیدان و کردنی بە لەوحەی بلوور. لە پاک و خاوێنیدا لاسای شارەکاتن دەکاتەوە بەڵکوو زیاتر، خودا دڵ و دەروونی و ڕووحی خاوێن بکاتەوە بە لوتفی خۆی و لە دنیا و قیامەت ئەهلی نەجات بێ و ئومێد وایە لە قاپی خودا لە ئیتاعەی ئومووراتی ئیلاهی ناجیح و پێشکەوتوو بێ واجیباتی شەریعەتی ئیسلام بە تەواوی موحافەزە بکات و بە جێیان بێنێ ئینشائەللا هەتا لە مەیدانی قیامەت سەربڵند و بە حورمەت بێ ئیتر بە خودای دەسپێرم ئەم تەشەککورنامەیە بە شیعر عەرزتان دەکەم.)