مەرحەبا ئەی کاکە ئەحمەد پشتیوانی پڕ ھونەر
از کتاب:
دیوانی عاسی
اثر:
ملا مصطفی عاصی (1885-1975)
1 دقیقه
1417 مشاهده
مەرحەبا ئەی کاکە ئەحمەد پشتیوانی پڕ ھونەر
پشتیوانت بێ لە قیامەت ئەحمەدی خەیرولبەشەر
قەت نەبینی دەرد و میحنەت تاکوو ماوی ڕووحەکەم
ھەر بەخۆشی و شادمانی ژیانی خۆشت بەریەسەر
وا لە باغی لوتفی ئێوە چاوەڕێی ھیوا دەکەم
زەوقی شیرینی بچێژم تا لە میوە خۆش خەبەر
بەو گڵۆپی کارەبایەی حوسنی خولقت چاوەکەم
شەوق و ڕووناکی بفەرموو ئەم دڵەی وا پڕ خەتەر
ڕێی ئومێدی ڕوونە عاسیتخلص بەو چرایەی وەعدی تۆ
تۆش بە قادرمەی نەجاتا بچیەسەر کورسی زەفەر