ڕوپیە لە عێراق باوی هەبوو دینار هات...

ڕوپیە لە عێراق باوی هەبوو، دینار هات بەسەریا. کابرایەکی برینپێچ هەبوو لە هەولێر، پیاوێکی بە دیمەن و کەڵەگەت بوو. هەموو سەرشان و بەرۆکی خۆیشی پڕ کردبوو لە نیشان و جوققە. لە هەر شوێنێک دائەنیشت، ئەو شوێنە چاخانە وە یا چێشتخانە بووایە، پارەی دانیشتووەکان هەمووی ئەو ئەیدا. لەم ڕووەوە حەماغایەک بوو بۆ خۆی.

جا، لێیان ئەپرسی کاکی خۆم، تۆ ئەم پیاوەتی و بەخشەندەییە ئەکەی، مانگانەکەت چەندە وا بەم جۆرە ئەکەی؟ ئەویش خۆی نەئەشکان ئەیوت من و ڕەئیسی سحە پەنجا و پێنج دینار مانگانەکەمانە. بەمەرجێ مانگانەکەی ڕەئیسی سحە پەنجا دینار بوو، هی ئەو پێنج دینار بوو، بەڵام وای بە لاوە گەورەیی بوو، کە خۆی بخاتە پاڵ ئەو.