میرزای موهاجر شەریەتخانەی خەم
ئەم شیعرەی بۆ محەممەدی حاجی مەلا ساڵحی تەوێڵە نووسیوە کە لەبەر سەربازی چووەتە دزاوەر
از کتاب:
دیوانی مەلا حەسەنی دزڵی
اثر:
ملا حسنی دزلی (1859-1946)
3 دقیقه
688 مشاهده
میرزای موهاجر، شەریەتخانەی خەم
وەتەن تەویڵێاعلام، مەسکەن نە عەجم
ئاهوو پەروەردەی، هەوای عیراقی
ئارەزووی وەتەن، نە دەروون باقی
تەیری ئاشیان، تەوێڵە ماوا
یانەی دڵ وە خاک، غەریبی ئاوا
عەبدی ڕەزا بەند، بە قەزای سەمەد
جەنابی ئەکرەم، میرزا محەممەد
شەمسی تەوازوع، زومڕەی گوستاخان
هەڵقەی سیلسیلەی، قەدیم ئوجاخان
دەروون پێچ وەردەی، خوونی ئیجباری
وێنەی کەتیرەی، شووشەی جەباری
ئیسە جای مەتڵەع، چون شەمسی خاوەر
تلۆع نە مەشریق، سەر کۆی دزاوەراعلام
مەبارەکتا بۆ گیزەی سەماوەر!
جەهەننەم جە گۆشت، برنج و ساوەر!
دمای وەزیفە و دوعا و سەلامەت
دۆعاگۆیی خەیر، هەم ئیحترامت
دەخیل سەد دەخیل، بێ مەرەکەبم
خەڵک عاجز جە دەست، یا ڕەب یا ڕەبم
چەن قسەی ماتڵ، نە تۆی دەنداندا
چەن مەتڵەب مەندەن، نە قەڵەمداندا
هانا و ئیلتیجام وەلات ئاوەردەن
دەرد جە حەکیمان، کێ پنهان کەردەن؟!
ئەڵبەت میرزا گیان، هەر جۆرێت کەردەن
ئەگەرچی پەنات، بە بەغدادمکان بەردەن!
بەعزێ مورەکەب، سیای سوندووسی
بەریقەی کێشدار، خەت ئابەنووسی
سەوادش وێنەی، زوڵفی نازاران
عەترش چون سینەی، ئەڵفەندی داران
نە تەوێڵێاعلامدا، بسانە پەرێم
تا نەجابەتت، مەعلووم کەرۆ لێم
هەرچەن مەلاقات چەنی تۆم نەبیەن
بابەو من هەرگیز، بابەو تۆش نەدیەن
بەڵام بە تەعریف وارەزام ئەحمەد
سەنای تۆ وانان، فەراوان بێ حەد
مەحەببەتی تۆم، وە دەروون ئاوەرد
ها من دووراودوور، مەیلم زیاد کەرد
چون تۆ برازای، ئەو مامۆسانی
چەمان سیلسیلەی، ئیمام مووسااعلامنی
هەردوو سەرئەفراز، هەردوو سەربەرزەن
وێنەی دوو کاڵەک، هەر جە یەک تەرزەن
تویچ بە وێنەی ئەو، جۆیای خاسە بە
ئەو چەنی بیەن، تویچ هەر پاسە بە!
جەوهەر سەوز و سوور، گەرەکم نییەن
فیکری قەدیمم، جە یاد بەر شیەن
ساف و بێ غەش بۆ، چوون تووتیا بۆ
وێنەی بەختی وێم، هەر با سیا بۆ
براژەن غونچە، کومەکم کەرۆ
پەرێ مورەکەب، خەمو من وەرۆ!
تا کە بوانوو، وەختی سوبح و شام
پەی فەرزەندی ئەو، عەبدولواحد نام
بواچوو یا ڕەب عومرش درێژ بۆ
پیاڵەی بەختش، پەڕ بۆ، لەبڕێژ بۆ!
باخی جوانیش، ساحێب سەمەر بۆ
مەحفووزی زوڵمات، قەزا و قەدەر بۆ
ئەر چێر زەمین بۆ، بوزەش سەر زەمین
جوابم مەکەرە، تۆ حیسامەدیناعلام!