mîrzay muhacir şeryetxaney xem
em şî’rey bo miḧemmedî ḧacî mela sałḧî tewêłe nûsîwe ke leber serbazî çuwete dizawer
From the Book:
Dîwanî Mela Ḧesenî Dizɫî
By:
Mulla Hasen Dizli (1859-1946)
3 minutes
465 views
mîrzay muhacir, şeryetxaney xem
weten tewîłêNamed-Entity, mesken ne ’ecim
ahû perwerdey, heway ’îraqî
arezûy weten, ne derûn baqî
teyrî aşyan, tewêłe mawa
yaney dił we xak, ẍerîbî awa
’ebdî řeza bend, be qezay semed
cenabî ekirem, mîrza miḧemmed
şemsî tewazu’, zumřey gustaxan
hełqey sîlsîley, qedîm ucaxan
derûn pêç werdey, xûnî îcbarî
wêney ketîrey, şûşey cebarî
îse cay metłe’, çun şemsî xawer
tilo’ ne meşrîq, ser koy dizawerNamed-Entity
mebarekta bo gîzey semawer!
cehennem ce goşt, birinc û sawer!
dimay wezîfe û du’a û selamet
do’agoyî xeyr, hem îḧtiramit
dexîl sed dexîl, bê merekebim
xełk ’aciz ce dest, ya řeb ya řebim
çen qisey matił, ne toy dendanda
çen metłeb menden, ne qełemdanda
hana û îltîcam welat awerden
derd ce ḧekîman, kê pinhan kerden?!
ełbet mîrza gyan, her corêt kerden
egerçî penat, be beẍdadLocation berden!
be’zê murekeb, syay sundûsî
berîqey kêşdar, xet abenûsî
sewadiş wêney, zułfî nazaran
’etirş çun sîney, ełfendî daran
ne tewêłêNamed-Entityda, bisane perêm
ta necabetit, me’lûm kero lêm
herçen melaqat çenî tom nebyen
babew min hergîz, babew toş nedyen
bełam be te’rîf warezam eḧmed
senay to wanan, ferawan bê ḧed
meḧebbetî tom, we derûn awerd
ha min dûrawdûr, meylim zyad kerd
çun to birazay, ew mamosanî
çeman sîlsîley, îmam mûsaNamed-Entitynî
herdû ser’efraz, herdû serberzen
wêney dû kałek, her ce yek terzen
twîç be wêney ew, coyay xase be
ew çenî byen, twîç her pase be!
cewher sewz û sûr, gerekim nîyen
fîkirî qedîmim, ce yad ber şyen
saf û bê ẍeş bo, çûn tûtya bo
wêney bextî wêm, her ba sya bo
birajen ẍunçe, kumekim kero
perê murekeb, xemu min wero!
ta ke bwanû, wextî subiḧ û şam
pey ferzendî ew, ’ebdulwaḧd nam
bwaçû ya řeb ’umirş dirêj bo
pyałey bextiş, peř bo, lebřêj bo!
baxî cwanîş, saḧêb semer bo
meḧfûzî zułmat, qeza û qeder bo
er çêr zemîn bo, buzeş ser zemîn
cwabim mekere, to ḧîsamedînNamed-Entity!