شێخ محەمەدی بەرزنجی جارێک لە سولەیمانی...

شێخ محەمەدی بەرزنجی جارێک لە سولەیمانی لە مزگەوتی گەورە وەعزی ئەدا، شێخ مەحموود و سەی نووری و عالەمێکی زۆری لێ بوو، وەعزەکە ئەو ڕۆژەی لە بابەت خراپی عەرەقخواردنەوەوە بوو، وتی: ئەو عالەمە چەند بێ عەقڵن؟ بۆ کەیف و خۆشی نیو سەعات ئەچن دە قڕان ئەدۆڕێنن ئەیدەن بە قاپێ عەرەق قوزەڵقورتی ئەکەن. عزەتی فاتە لە کۆڕەکەدا بوو هەر کتوپڕ هەستا و وتی: دە سا شێخ بەو مەرقەدی کاکە حەمەدە ئەگەر وابێ چوار قڕانیان خەلەتاندووی، قاپێ عەرەقی زۆر چاک بە ڕوپیە و نیوێکە شێخ مەحموود ئەوان هەموو دەست ئەکەن بە پێکەنین.