کابرایەکی ساویلکە لەو سەرە ژنێک ئەخوازێ...
کابرایەکی ساویلکە لەو سەرە ژنێک ئەخوازێ، هێشتا سێ مانگ زاوا و بووکێنیان تێ ناپەڕێ، خوا کوڕێکیان ئەداتێ. شەوێ لە گوێی ئاگردانەکە دانیشتوون و هەروا دەمەتەقێ ئەکەن، کابرا کە ژنەکە ئەگوێزێتەوە و بە خەسووەوە ئەیگوێزێتەوە. خەسووەکەشی دانیشتووە ڕووی تێ ئەکا و پێی ئەڵێ: ماشەڵڵا ئەم کچەی تۆ بە بەرەیە، ئەگەر هەروا زوو زوو و هەر بە سێ مانگ جارێ کوڕێ بێنێ، زۆری پێ ناچێ منیش ئەوەندە کوڕ و کوڕزام ئەبێ تا ئەبم بە «حەمە خانی بانە»، هەموو ئەم ناوە دائەگرم.
خەسووەکەشی ئەڵێ: ئەیەڕۆ بەقوربانت بم کەی بە سێ مانگ منداڵی بووە، نۆ مانگە و نۆ ڕۆژەی تەواو کردووە، ئەوە تۆ حسابی مانگەکانت لێ تێکچووە، بەم جۆرە ناوی مانگەکان ڕەوانکە، ئەو وەختە بزانە سێ مانگ ئەگرێتەوە یا نۆ مانگ؟
کابرا ئەڵێ: ئەی بە قوربانت بم خەسوو گیان، بەخوا ڕاستە ئەڵێن خەسوویەک لە جووتێ گا باشترە، بەو قورحانە ئەگەر تۆ نەبووتایە گوناحباریش ئەبووم و ئیمانیشم ئەڕۆیشت.