کابرایەک هەبوو لەو وڵاتی پێنجوێنە مۆلە ...

کابرایەک هەبوو لەو وڵاتی پێنجوێنە «مۆلە شێت» یان پێ ئەوت. مەلا ئەوڕەحمانی پێنجوێنی هەر فەقێیەکی ئاخر مادەخوێن ئەچووە لای بۆ دەرس خوێندن، مۆلەش ئەچووە بن دەستی فەقێکەوە و سەماعی ئەکرد. فەقێیەک ڕۆژێ ئەچێ کتێبی «جمع الجوامع» ئەبا و دەرس ئەخوێنێ، مۆلەش «ناگەهان»ێک ئەباو لە تەنیشت فەقێیەکەوە پانی ئەکاتەوە و دەست ئەکا بە سەماع کردن! مەلا ئەوڕەحمان پێی ئەڵێ: مۆلە جمع الجوامع و ناگەهان چۆن ڕێ ئەکەون؟ ئەویش ئەڵێ: قوربان بۆ یەکێ شیری پاک بێ هیچ فەرقی نییە!