فەلەک ئیمساڵ لەگەڵمان هەر بە پەشم و کین و حیددەت بوو

از کتاب:

دیوانی بێخود

اثر:

بیخود (1879-1955)

1 دقیقه 658 مشاهده

زبان:

کردی مرکزی

قالب:

غزل

وزن:

فونت:

فەلەک ئیمساڵ لەگەڵمان هەر بە پەشم و کین و حیددەت بوو

بەراتی بۆ هەموو شێخ و مەلا ڕەنج و مەرارەت بوو

بەشی خەڵقی «بەهارە»ی بێ «مرۆر»ی سیححەت و شادی

بەشی ئێمەش هەموو «حاجی بەیان»ی دەرد و میحنەت بوو

ڕەفیقێکمان هەبوو ئێمەی غەریقی بەحری زەحمەت کرد

بەڵام خۆی وەک دوڕڕی یەکتا سەدەف بەرداری ڕەحمەت بوو

ئیمام و واعیزی مزگەوتی پاشا یەعنی

خەلیفەی نەقشبەندی، خادیمی شەرع و دیانەت بوو

کە پرسیم ساڵی غوفرانی لە مامۆستای خیرەد، فەرمووی:

وەلی عەهدی لەپاش خۆی بوو

لە عەسری خۆشیا هەر ئیشی تەدریس و ئیمامەت بوو

خودا کوێری نەکەی ئەو خانەدانی عیلم و عیرفانە

هەتا عالەم بمێنێ، چونکە هەر یانەی فەزیلەت بوو