دوو کابرای خۆشناو بۆ ترێ فرۆشتن ڕێگایان ...

دوو کابرای خۆشناو بۆ ترێ فرۆشتن ڕێگایان ئەکەوێتە ئەو دەشتی دزەییەوە بە لای گوندێکا تێ ئەپەڕن، سەیر ئەکەن وا یەکێک لەسەر بانێک هەر دوو دەستی خستووەتە بنا گوێی و دەنگێکی لێوە دێت. یکێکیان لای وا ئەبێ ئەم کابرایە: هەی ترێ، ئەکا. زۆری پێ ناخۆش ئەبێ. ئەڵێ: وا ترێ لە می گوندەی هەنە با بچین لۆ گوندێکی کە. ئەویکەیان ئەڵێ: کورە مار وێران نەبی ئەوە هەی ترێ نییە. ئەوە بانگی دەدرێ.

ئەڵێ: بانگی چنە؟ ئەڵێ: کورە چما نازانی، بانگی حەمەدی ڕیسوان. ئەڵێ: چما بانگی حەمدی ڕیسوان چنە؟ ئەڵێ: کورە چنە؟ یانی دە وەرنە نوێژان، دە وەرنە نوێژان!