پیرێژنێکی بێوەژن خەڵکی ئەو وڵاتی شیناوێ...

پیرێژنێکی بێوەژن خەڵکی ئەو وڵاتی «شیناوێ» و «گوڵاوی»یە کوڕ و کچێکی هەبوو، کچەکەی «ئامە»ی ناو بوو. کوڕەکەی «مامەند». کەوتبوونە ئەو وڵاتی موکریانە و لەوێدا گرسابوونەوە. هەرجار کە مامەند ئەچووە دەرەوە و ئەهاتەوە دایکی لێی ئەپرسی: کوڕم دەنگ و باس چییە؟ ئەویش ئەیوت: هیچ نییە. پیرێژن بە پرسیار کردن کوڕەی وەڕەس کردبوو.

ڕۆژێک کوڕە هاتەوە و دایکی وەکوو جاران لێی پرسی کوڕم دەنگ و باس چییە. لەو کاتەشا ژنە بە هەردوو دەست خەریکی هەویر شێلان بوو، نامەی کچیشی لەو لاوە دانیشتبوو، کوڕەش وتی: وەڵا دایە ئیمڕۆ عەزیز خانی سەردار فەرمانی دەرکردووە ژنی بێ مێرد نەمێنێتەوە، ئەبێ هەموو مێرد بکەن. بێجگە لەمەش ئەبێ ژنی پیر بدرێ بە کوڕی گەنج و ژنی جوانیش بدرێ بە پیاوی پیر! کە کوڕە ئەمەی لە دەم هاتە دەرەوە ئامەی خوشکی لەولاوە جرتێکی کەند و وتی: چۆن وا ئەبێ؟

ئەمجا دایکەی پیرێژن بە دەم هەویر شێلانەکەوە وتی: