کابرایەکی خۆشناو بە کاروان چووبوو بۆ ئەو ...
کابرایەکی خۆشناو بە کاروان چووبوو بۆ ئەو وڵاتی ئالانە، سەبیلێکی کڕیبوو بردبوویەوە بۆ لای خۆیان، لەوێ لەسەر شاخێک چەند کەسێک لە ئاوایییەکەی خۆیان لێی کۆ ئەبنەوە و سەیری سەبیلەکە ئەکەن، یەکێکیان کتوپر سەبیلەکەی لە دەست ئەکەوێتە خوارەوە و زەردوکاو ئەبێ، بەوێدا سەبیل ئەڕوا!
ئەمانە ئەکەونە پەرۆشەوە کە چۆن سەبیلە بێننەوە؟ یەکێکی ژیریان ئەبێ، لەناکاو هەڵئەداتێ ئەڵێ: مادۆش داماینە؟ نوکە من سەبیلانتان لۆ دینمەوە. ئەڵێن: کو؟ ئەڵێ: من دەستی خۆم لە قەفی وی دارە دەگێڕم و خۆش شۆڕ دەکەم، یەکێ لە ئەنگۆش دەستی خۆ لە قاچی من توند کا و خۆی شۆڕکاتەوە، یەکێکی تریش لە قاچی وی تا ئەگەینە سەبیلان!
هەموو ئەڵێن: باشە تۆ ئەم فیکرەت لە کوێ کرد؟ کابرا باوەش بە دارەکەدا دەینێتەوە و یەکێکی تریش قاچی ئەو ئەگرێ. بەکورتی وەکوو خۆی وتوویەتی وا ئەکەن و بەو جۆرە خۆیان شۆڕ ئەکەنەوە بە شاخەکەدا. کابرا کە پێنج شەش کەسی پیا داڵەڕۆچکە ئەبێ، دەستی شل ئەبێ و شانی وەخت ئەبێ لە بن دەربێ. بانگیان لێ ئاکا ئەڵێ: دەستا خۆ توند بگرن تف لە دەستان دەکەم! هەر کە دەست لە دار بەرەڵا ئەکا هەموویان ئەکەونە خوارەوە هەپروون بە هەپروون ئەبن!