kabrayekî xoşnaw be karwan çûbû bo ew ...

kabrayekî xoşnaw be karwan çûbû bo ew wiłatî alane, sebîlêkî kiřîbû birdibûyewe bo lay xoyan, lewê leser şaxêk çend kesêk le awayîyekey xoyan lêy ko ebnewe û seyrî sebîleke eken, yekêkyan kitupir sebîlekey le dest ekewête xwarewe û zerdukaw ebê, bewêda sebîl eřwa!

emane ekewne peroşewe ke çon sebîle bênnewe? yekêkî jîryan ebê, lenakaw heł’edatê ełê: madoş damayne? nuke min sebîlantan lo dînmewe. ełên: ku? ełê: min destî xom le qefî wî dare degêřim û xoş şoř dekem, yekê le engoş destî xo le qaçî min tund ka û xoy şořkatewe, yekêkî tirîş le qaçî wî ta egeyne sebîlan!

hemû ełên: başe to em fîkiret le kwê kird? kabra baweş be darekeda deynêtewe û yekêkî tirîş qaçî ew egrê. bekurtî wekû xoy witûyetî wa eken û bew core xoyan şoř ekenewe be şaxekeda. kabra ke pênc şeş kesî pya dałeřoçke ebê, destî şil ebê û şanî wext ebê le bin derbê. bangyan lê aka ełê: desta xo tund bigirin tif le destan dekem! her ke dest le dar bereła eka hemûyan ekewne xwarewe heprûn be heprûn ebin!