ڕەسوواغای مەنگوڕ هەبوو پیاوێکی ڕیشسپیی...

ڕەسوواغای مەنگوڕ هەبوو پیاوێکی ڕیشسپیی و بەزمەلی بوو، زۆری حەز لە قومار دەکرد، هەندێ جاریش نوێژی دەکرد و قورئانی دەخوێند. جارێکیان لە کۆڕێکی دیوەخانەکەیا دائەنیشێ ملی خەڵکەکە ئەگرێ ب ئەوەی قوماری لەگەڵ بکەن کەس ملی ناداتێ و لەگەڵی ناکا. کاتی قورئان خوێندنەکەشی نزیک بووەتەوە بە ناچاری خەڵکەکە ئەترسێنێ و ئەڵێ: ئەگەر قومارانم لەگەڵ ناکەن دەچم قورئانان دەخوێنم، دەسا درەنگە!