لەبەر مەیلی مەیی عیشقی تووە یاری وەفادارم
از کتاب:
دیوانی سافی هیرانی
اثر:
صافی هیرانی (1873-1942)
1 دقیقه
2315 مشاهده
لەبەر مەیلی مەیی عیشقی تووە یاری وەفادارم
لە تەکیە و خانەقا دەرچووم، خەریکی دەیر و زیننارم
لە حوببی تۆ لەلای ئەو عالەمە کافر بووم گەرچی
کە نازانن لە عەینی کوفرەوە ئیسلامییە کارم
ئەگەر سەدجار دەرم کەی قەت بەبێ تۆ سەبرەکەم نایێ
بەزۆری دێمەوە دەرگانەکەت ئەی دۆست ناچارم
لە بەدکرداریی من ڕوو وەرمەگێڕە ئەی شەهی خووبان
کە تۆ ڕوو وەربگێڕی کەس نییە گەر بێتە غەمخوارم
لە دووریت لەززەتی من پایەماڵی زیللەتە هەردەم
حەیاتم بێ جەمالی تۆ مەماتی ژینە ئەی یارم
ئەگەر شەمعی ویسالی تۆم نەبێ ڕۆژم شەوی تارە
بینایی نووری چاوانم، ئەتۆی ماهی زیادارم
ئەوەندەم عەجز و شادی، وەسڵ و هیجران دیوە ئەی یاران
لە ڕۆژی حەشردا ئەسڵا نە حاجەت جەننەت و نارم
لە سەفحەی عەشقەوە گەر سڕڕی ڕەحمت بێتە نێو عالەم
هەتا مەحشەر چ کەس سجدێکی نابا شاهی غەففارم
لە جیلوەی نەفی و ئیسباتی تۆ وەک سافیتخلص بە ڕۆژ و شەو
دەمێ بێ هۆش و سەرمەستم، دەمێ بێدار و هوشیارم