تۆ دەزانی بۆ چی یادی دڵبەری ڕەعنا دەکەم
از کتاب:
دیوانی سافی هیرانی
اثر:
صافی هیرانی (1873-1942)
1 دقیقه
1983 مشاهده
تۆ دەزانی بۆ چی یادی دڵبەری ڕەعنا دەکەم
مەیلی بەدنامیمە بۆیێ کاری بێپەروا دەکەم
سەر لەسەر سەودایی تۆ و دڵ لە پایی پێیەکەت
بۆ چمە جانا سەر و دڵ، هەر دوویان ڕیسوا دەکەم
موڵکی میسرم بۆ چییە، گەر ماهی کەنعانم هەبێ؟
چم لە بازاڕی زولەیخا، یووسفی سەودا دەکەم
چاوەکەم چاوم لەبۆ چاوی تۆ خوێنباری دەکا
وا منیش هەر لەحزە بۆ تۆ شین و واوەیلا دەکەم
مەیلی من هەر مەستی و ڕەندی و شاهیدبازییە
وا لەبەر میحرابی ئەبرۆت تاعەت و تەقوا دەکەم
من لەدەست دنیایی دون و عالەمی وا بەدعەمەل
ڕوویی شکوا وو تەوازوع بۆ شەهی بەغدا دەکەم
سافییاتخلص هیران وەکوو نیرانە، جیرانی جەحیم
سا کە وا بێت و تەوەکول دائیما بە خودا دەکەم