مەلی تەمەن
از کتاب:
گوناهـ
اثر:
علی حسنیانی (1939-1992)
1 دقیقه
1940 مشاهده
دڵم ئەسیری خەمە، ساقیا دەسا تێکە!
ئەگەر بە وردی بنۆڕی زەمانە ساتێکە!
لە چەشنی هەوری بەهاری، تەمەن بە لەز دەڕوا،
وچانی بۆ نیە، بڕوانە مانی کاتێکە
نەمامی ژینی بەتاسەم چەما و بڕکەی مرد،
لە وشکەساڵی هومێدا چ شۆرەکاتێکە
سەڵا لە من کە بە شوێن ڕۆچنایییا وێڵم،
ژیانی چەرمەسەریم تاریکەسەلاتێکە
مەلی تەمەن فڕی و پێم گەیشتە لێوی گۆڕ،
کەچی دڵی بەکوڵم چاوەڕوانی هاتێکە
چما چ ما لە چەما هێندە خوێن دەبارێنێ؟
نەماوە سوێی و ئەوێستێ پرووشەماتێکە
کڵۆڵ و دیل و کزە کۆتری نەسرەوی گیانم
کەسێ لە حاڵی دەزانێ کە دووروڵاتێکە
گەیشتە خاڵی دوایی ژیانی من هاوار
خەیاڵی خاوە ئەگەر چاوەڕێی نەجاتێکە