سۆفیێ مەیخانێ مە
از کتاب:
شەفاق
اثر:
جگرخون (1903-1984)
2 دقیقه
746 مشاهده
وەرە دا بچنە مەیخانێ، بلا دیسا تو سۆفی بی
ئەگەر دل پاک و پاقژ بی، نە کۆ سۆفیکی رۆڤی بی؟
ل مەیخانێبە دیسا دل، بدە یارا خوە ئەی سۆفی
دبی وێ چاخێ سۆفی بی، نە وەک ئیرۆ تو مۆفی بی
بلا دل سادە رۆناک بی، ل کوو بی دێ تو دلپاک بی
ل مەیخانێ ل پووتخانێ، دبی تاڤ و رۆنی بی
وەرە دا ئەم ڤەخون جامێ، ژ دەستێ شۆخ و دۆتمامێ
ل ڤێ دنیا خوەش و شێرین، چمان تێ هرچ و کۆڤی بی
چمان پەردارەش و تاری، ژ رەنگێ شەڤ ل سەر روو بی
کۆ دل خورت بی، بلا هەردەم، د ناڤ ئالایێ رۆمی بی
---- ---- ---- ----متن نامشخص
بلا بەدکار و سەرسەم بی، بلا سەرپۆش و کۆفی بی
تو گوهدێرە دەف و نایێ، چ خوەش گازی دکن سۆفی
کۆ لەرزین تێنە جانێ، مەگەر خرقە مە پۆشی بی
بنێر سۆفی ل ڤێ خانێ، چلۆ وەر هاتە مەیدانێ؟
هەتا کەنگی د زندانێ، ولۆ تم برچی و تی بی؟
نزانی ئاگر و ئاڤی، ژ ئۆکسۆجێن و هەم تاڤی
هەتا ساغ بی د ڤی خانی، بلا دل تم ب هێڤی بی
تو دەستدە زوهرە سیمایێ، تو گوهدێرە دەف و نایێ
ئەڤە جەنەت ل دنیایێ، بلا دۆستا تە هۆری بی
دبم سۆفی د مەیخانێ، مە نۆشی مەی ژ فنجانێ
دسۆژم رەنگێ پەروانێ، کۆ یارا من دخانی بی
مە شاش و جبە ئاڤێتن، شەراب و مەی مەتەڤ مێتن
ژ لەو ئەم ئاگر و پێتن، بلا شێخ ژێنە رازی بی
ئەگەر ئەم بچنە بن ئاخێ، ئەمێ چبکن ب ئاخ ئاخێ
د ڤێ قووناخ و ڤێ مافێ، بلا ئۆلا مە مانی بی
بلا دۆستێ ژ من خوەش بی، کۆ شێرینکەن و روو گەش بی
بلا دل پێت و ئاتەش بی، ل من هەر تشت خویانی بی
بلا یار تم ب منرا بی، قیامەت دا ل من رابی
وەکی بلبل ب گولرا بی، ب دل خۆشی و شاهی بی
چقاس سەرهچک و سەرگەرم بی، د گەل من کۆ خوەش و نەرم بی
مەگەر بێ هەڤسەر و گەرم بی، دخوازم کۆ جوانی بی
جەگەرخوونتخلصم، خوەدی ئۆلم، د رستێدە چ بینگۆلم
وەکوو فەرهاد چیاکۆلم، ل خوار بی، یا ل بانی بی؟