د بیر ئانین
از کتاب:
شەفاق
اثر:
جگرخون (1903-1984)
1 دقیقه
599 مشاهده
ئەی دلۆ ژارۆ ل کوونە، دەشت و زۆزانێ دمن؟
کانی ئەو جەژن و سەما و گەشت و سەیرانێ دمن؟
چاخەکی دوور و درێژە، کۆ ژ وان دوور بوومە ئەز
گوهـ بدە بەر قیر، و نال و ئاهـ و ئەڤخانێ دمن
من دڤێ کو نوو جوان بم، بچمە ناڤ باخ و رەزان
کانی ئەڤ رەنگ نووجوانی؟ کانی بۆستانێ دمن؟
شاهی و نوورۆزە ئیرۆ، تێن سەمایێ کەسک و سۆر
تێنە بەر چاڤێن مە گاڤ و چاخ و دەورانێ دمن
کەسکە سۆرن چۆخ ب سورمە، سەر ب زێرن جەرگ و بەز
کا ل کوونە : دەهری و خەفتان و میتانێ دمن؟
ئاهـ د بیرا مندە مانە، ئەو دەمێن شێرین و خوەش
تەڤگەر و لیزێن ب لۆتک، دەنگ و خۆشخوانێ دمن
من د ناڤ باخ و رەزاندە، لۆت ددان بێ ترس و پرس
من گول و نێرگز ددان هەڤ، کا گولستانێ دمن؟
سەرخوەشێ دەنگێ بلوورا، وی شڤانێ بەر زنێر
کانی ئیرۆ ئەو بلوور و ئەو بلوورڤانێ دمن؟
تەڤ د بن لنگێن نەیاران، تێن پەلاختن یەک ب یەک
ئەو کەلات و ئەو سەرا، برج و ئەیوانێ دمن
ئەی جگەرخوینتخلص بەس ببێژە، پر درێژە ئەڤ دەرام
ماچێ لێڤێ ئەرخەوانی، دەرد و دەرمانێ دمن