قیبلەم جەفای تۆ
از کتاب:
دیوانی بێسارانی
اثر:
بیسارانی (1643-1702)
1 دقیقه
467 مشاهده
قیبلەم جەفای تۆ ...
داد، بێداد جەدەس جەور و جەفای تۆ
ئامان جە پرشنگ ئاما و لوای تۆ
فریاد جە خەدەنگ موژەی سیای تۆ
هاوار جە ئامای شەققەی شەستی تۆ
داخ داخ جە قەتران دیدەی مەستی تۆ
واوەیلا جە بەژن سەوڵ ئەندامی تۆ
سەرتاپا بێ عەیب گوڵ ئەندامی تۆ
قیبلەم ئەر مەیلت مەندەن جەلامان
سا وەس پەردەی دڵ بدەر وە پامان
بتەرسە جە ئاهـ وەخت و بێ وەختم
بکیانە مەرهەم پەی زامی سەختم