زڵێخام ماران
از کتاب:
دیوانی بێسارانی
اثر:
بیسارانی (1643-1702)
1 دقیقه
441 مشاهده
زڵێخام ماران ...
دوو عەقرەب چەنی دوو دەستەی ماران
چین چین سەف نە دەور کەعبە وناران
بەردەنش نە بەند ڕای ڕاویاران
جە کەعبە تا فەرق اسودالحجراعلام
دەوری دایرە جای زەمزەم یەکسەر
بە دەستووری جان دەستاخی خاین
عەقرەب وەسەردا جەی گەردەن تاین
پەی قەتڵ و تاراج حاجی یانی ساف
کەردەنش نە بەند ڕای کەعبە تەواف
وەختەن قیامەت پەی خەڵق ئەوپا بۆ
ڕۆی ئاخر زەمان دەوری دنیا بۆ
ئەر یە نیشانە و عەلامەت نەبۆ
ڕۆزی ڕەستاخێز، قیامەت نەبۆ؟
کێ دیەن تەواف کەعبە باتڵ بۆ
زەهرەن نە کوففار زەمزەم قاتڵ بۆ