دنیای پڕ خەتەر
از کتاب:
دیوانی بێسارانی
اثر:
بیسارانی (1643-1702)
1 دقیقه
602 مشاهده
دنیای پڕ خەتەر ...
پەرسام جە دنیای دایم پڕ خەتەر
واتم سفڵەی شووم بەد جە بەد بەدتەر
چێشەن چەنی کەس نمەدی وەسەر؟
یە چێشەن ئەر شان ئەر کەمتەر گەدان
جە بێ وەفاییت سەر وە سەنگ مەدان؟
هەر کەس مەوینی پەنەت نیەن شاد
گشت جە داخی جەور جەفای تۆشەن داد
بێ وەفا و شرەنگ جەفاکارەنی
دایم پەی یاران دڵ ئازارەنی
هەردەم نەردی جەور جەفا مەشانی
بە یاران جەفای دووری مەنمانی
چێش مەبۆ سوودت شای بێ قەراران
دوور مەوزی جە هەم دیداری یاران