دڵ زەبوونە وێم
از کتاب:
دیوانی بێسارانی
اثر:
بیسارانی (1643-1702)
1 دقیقه
667 مشاهده
دڵ زەبوونە وێم ...
ڕەنگ زەرد و زایف، دڵ زەبوونە وێم
نە چای بێ ئامان، سەرنگوونە وێم
ئاوارەی وڵات تەنجەاعلام و توونەاعلام وێم
تەن خەمیدەی بار، مەلامەتە وێم
شەرمەندەی ڕۆی حەشر قیامەتە وێم
یانەی دڵ سەیلات خەمان ڕەفتە وێم
کزەی جەرگ وە گۆش وێ شنەفتە وێم
بە کوورەی هیجران، دڵ جۆشیای وێم
بە باڵا کاڵای خەم پۆشیای وێم
گۆش کەڕ، زووان لاڵ، چەم بێ نوورە وێم
چوون مەجنوون شەیدا جە لەیل دوورە وێم
یە گشت جە نەدین، دوور وڵاتە وێم
دووریش، ڕەستاخیز عەرەساتە وێم