خونچە گوڵ جە گڵ
از کتاب:
دیوانی بێسارانی
اثر:
بیسارانی (1643-1702)
1 دقیقه
714 مشاهده
خونچە گوڵ جە گڵ ...
زیاوە جە پەی نەو وەهار جە گڵ
جە دلێو چەمەنان وەندەوە بوڵبوڵ
ئاخ پەی هام دەردێ چوون من داخ نە دڵ
بە دیدەی زوخین، بە دڵەی پڕ داخ
بشیامێ وە سەیر گوڵ خونچانی باخ
ناڵەمان کەردا چەنی بوڵبوڵان
ئێمە پەی یاران، ئەوان پەی گوڵان
تا وادەی فەسڵ نەو وەهار شیا
دەنگی ناڵەمان نە چەمەن بیا
مدیۆ کەس نیەن، غەیر جە من فێشتەر
هەر دەم دەردی یار، لێم مدۆ نێشتەر
هەر من دەردینم، منیچ سا جارێ
مدیە جە ناکا جەوەر مەغارێ
بەی گشت دەردەوە، بەی دیدەی نمناک
گیانم تەسلیم بی، خەڵتان بیم نە خاک