xunçe guł ce gił
From the Book:
Dîwanî Bêsaranî
By:
Mustafa Besarani (1643-1702)
1 minutes
910 views
xunçe guł ce gił ...
zyawe ce pey new wehar ce gił
ce dilêw çemenan wendewe bułbuł
ax pey ham derdê çûn min dax ne dił
be dîdey zuxîn, be diłey piř dax
bişyamê we seyr guł xunçanî bax
nałeman kerda çenî bułbułan
ême pey yaran, ewan pey gułan
ta wadey fesił new wehar şya
dengî nałeman ne çemen bya
midyo kes nyen, ẍeyr ce min fêşter
her dem derdî yar, lêm mido nêşter
her min derdînim, minîç sa carê
midye ce naka cewer meẍarê
bey gişt derdewe, bey dîdey nimnak
gyanim teslîm bî, xełtan bîm ne xak