چراغ نە دڵەن

از کتاب:
دیوانی بێسارانی
اثر:
بیسارانی (1643-1702)
 1 دقیقه  788 مشاهده
چراغ نە دڵەن ...
هەرکەس غەریبەن هەر داخ نە دڵەن
دڵەی غەریبان چوون پەڕەی گوڵەن
گوڵ خار تێش نیشۆ خەیلێ موشکڵەن
گوڵ ئەر بنیشۆش خاڵێ نە ڕوخسار
جە زەخمی ئەو خار، زایف مەبۆ، زار
غەریب ئەر پەنەش بواچان سەردێ
هەر سەردێ پەرێش مەبۆ وە دەردێ
دڵەی غەریبان میسلی گوڵ دارۆ
کافر ئەو کەسەن غەریب ئازارۆ
موڵکی غەریبیم فراوان دیەن
داخی غەریبیم جە حەد بەرشیەن
هەرکەس مەکەرۆ غەریبنەوازی
بێ شک خوداوەند لێش مبۆ ڕازی
هەرکەس مە گێرۆ غەریبان عیززەت
پەی وێش مەسازۆ جایێ جە جەننەت