çiraẍ ne diłen
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
1023 Dîtin
çiraẍ ne diłen ...
herkes ẍerîben her dax ne diłen
diłey ẍerîban çûn peřey gułen
guł xar têş nîşo xeylê muşkiłen
guł er binîşoş xałê ne řuxsar
ce zexmî ew xar, zayf mebo, zar
ẍerîb er peneş bwaçan serdê
her serdê perêş mebo we derdê
diłey ẍerîban mîslî guł daro
kafir ew kesen ẍerîb azaro
mułkî ẍerîbîm firawan dyen
daxî ẍerîbîm ce ḧed berşyen
herkes mekero ẍerîbnewazî
bê şik xudawend lêş mibo řazî
herkes me gêro ẍerîban ’îzzet
pey wêş mesazo cayê ce cennet